’S e riarachadh nan custamairean againn am prìomhachas as motha againn is sinne a’ sìor-libhrigeadh bathar-bog luachmhor tràth.
A’ cur fàilte air atharrachadh dhe na thathar ag iarraidh, fiù anmoch sa phròiseas. Cuiridh pròiseasan sgiobalta atharrachadh gu feum airson leas co-fharpaiseachd a’ chustamair,
A’ libhrigeadh bathar-bog a tha ag obair gu cunbhalach, eadar turas gach cola-deug agus turas gach mìos no dhà agus mar as giorra an t-eadaramh ’s ann as fhearr.
Feumaidh luchd-gnothachais agus luchd-leasachaidh obrachadh còmhla gach latha fad a’ phròiseict.
Tog pròiseactan le daoine brosnachail ’na theis-mheadhan. Thoir an àrainneachd is an taic dhaibh a dh’fheumas iad agus bi earbsa agad annta gun coilean iad an obair.
’S e còmhradh aghaidh ri aghaidh an dòigh as èifeachdaiche agus as tàbhachdaiche airson fiosrachadh a chur gu daoine a tha ann an sgioba luchd-leasachaidh no am broinn na sgioba fhèin.
’S e bathar-bog a tha ag obair am prìomh shlat-tomhais air an adhartas.
Tha pròiseasan sgiobalta a’ brosnachadh leasachadh seasmhach. Bu chòir gun urrainn dhan luchd-urrais, luchd-leasachaidh agus luchd-chleachdaidh sìor-chumail a’ dol aig an aon astar gu buan.
Bheir sìor-aire air barr-fhearbhas teicnigeach agus deagh-dhealbhadh piseach air an sgiobaltachd.
Tha simplidheachd -- meudachadh na h-obrach nach fheumar a choileanadh -- riatanach.
Èiridh an ailtireachd, na riatanasan is dealbhachdan as fhearr à sgiobannan a chumas rian orra fhèin.
Nì an sgioba cnuasachadh air dòighean nas èifeachdaiche gu cunbhalach agus cuiridh iad air gleus an giùlan aca fhèin d’ a rèir sin.